Сурия 14 йил ичида биринчи нефть партиясини экспорт қилди

Сурия 14 йил ичида биринчи марта расмий нефть етказиб беришни амалга оширди. Ўрта ер денгизидаги Тартус портидан 600 минг баррель экспорт партияси жўнатилди.

Бу ҳақда Суриянинг SANA давлат агентлиги маълум қилди.

Сурия энергетика вазирлиги вакили Риёд ал-Жубасининг сўзларига кўра, харидор B Serve Energy халқаро савдо компанияси бўлган. Нефтнинг биринчи партияси Nissos Christiana танкерида ташилмоқда. Сурия расмийси таъкидлаганидек, етказиб бериш транспорт тармоқлари, нефть омборлари ва порт инфратузилмасининг ишлашини аниқлашга ёрдам беради.

Сурия нефть транспорт компанияси бош директори Маан Паша жорий экспорт ҳажми мамлакатнинг ички эҳтиёжларидан ошиб кетишини таъкидлади. Унинг сўзларига кўра, танкерга Суриянинг бир қанча конларида ишлаб чиқарилган нефт, шунингдек, Банияс ва Ҳомсдаги заводларда хом ашёни қайта ишлашдан кейин қолган ортиқча нефть ортилган. Компания раҳбари аниқ соҳаларга ном бермади. Суриянинг нефть ресурсларининг катта қисми мамлакат шимоли-шарқида курдлар назорати остидаги ҳудудларда жойлашган.

2011 йилда фуқаролар уруши бошланишидан олдин Сурия кунига 380 минг баррель нефть экспорт қилган. Бироқ кўп йиллик можаролар мамлакатнинг энергетика инфратузилмасини вайрон қилган ва халқаро санксиялар нефть ва газ савдосини қийинлаштирган.