Саудия Арабистони ва Ироқ Ҳиндистонга нефть етказиб беришни чеклади

Saudi Aramco ва Ироқнинг SOMO компаниялари Нayara Energy нефть заводига хом нефть етказиб беришни тўхтатди. Бу қарор Европа Иттифоқи томонидан Россия билан алоқалар сабабли жорий этилган санкциялар ортидан қабул қилинди.

Nayara — назорат пакети "Роснефть"га тегишли бўлган ҳинд компанияси — авввал ҳар ой 3 миллион баррелча ироқ ва сауд нефтини олиб турган. Аммо августда фақат Россиядан нефть олди, чунки бошқа давлатлар етказиб беришни тўхтатди.

Компания Вадинаҳдаги завод ишини 70–80% гача камайтирди. Сотув муаммолари ва транспорт билан боғлиқ қийинчиликлар сабаб, "қора флот" — яширин танкерлардан фойдаланмоқда.

АҚШ эса Ҳиндистонни Россиядан нефть олгани учун танқид қилмоқда. Президент Трамп августда Ҳиндистон маҳсулотларига 25% бож жорий қилди. Ушбу божлар кийим-кечак, тошлар, мебель ва пойабзалларга тааллуқли.