Сунъий интеллектни “йўқ қилинишидан” ҳимоя қилиш учун “Сунъий интеллект кучлари” ташкил этилади

АҚШ президенти бу ҳақда ўзининг Truth Social ижтимоий тармоғидаги саҳифасида маълум қилди.

Унинг сўзларига кўра, сунъий интеллектнинг (СИ) келажаги “радикал сўллар” туфайли хавф остида қолмоқда. Трамп унинг маъмурияти СИ ривожланишига ҳеч қандай тарзда тўсқинлик қилмаслигини ёки тўхтатмаслигини таъкидлади. У шу тариқа сунъий интеллект ривожини секинлаштириш чақириқларини яна бир бор рад этди.

"СИ — навбатдаги саноат инқилоби ёки интернетга ўхшаш ҳодиса, бироқ унинг таъсири бундан-да кенгроқ. Эҳтимол, у мамлакатимиз ялпи ички маҳсулотининг 25 фоизигача бўлган қисмини ташкил этиши мумкин", — деди Трамп.

Шунингдек, у АҚШнинг СИ соҳасида Хитойдан ўзиб кетишда давом этишини хоҳлашини айтиб, СИ кучларини IQ кўрсаткичи юқори бўлган шахс бошқаришини қўшимча қилди.

Аввалроқ Anthropic компанияси бош директори Дарио Амодеи СИ саноатини секинлаштиришга чақирган эди. У буни тартибга солувчи режаларни ҳам тақдим этган. Унинг чақириғини технологик соҳа етакчилари, жумладан, OpenAI бош директори Сэм Алтман, хАI компанияси асосчиси Илон Маск ва Microsoft компанияси асосчиси Билл Гейтс қўллаб-қувватлаган. Аммо Трамп Хитойга бундан фойда кўришини айтиб, бунга қарши чиққанди.