Ҳодиса оқибатида тинч аҳоли ва ҳарбийлар ҳалок бўлди, деб ёзади Anadolu.
Судан армияси, Умдурман вилоятидаги Вади-Сейдна ҳарбий базасидан ҳавога кўтарилган ҳарбий самолётнинг қулаши оқибатида ҳарбий хизматчилар ва тинч аҳоли ҳалок бўлганини маълум қилди.
“Самолётларимиздан бири бугун кечқурун Вади-Сейдна ҳарбий базасидан ҳавога кўтарилгандан сўнг қулаб тушди”, – дейилади армия баёнотида.
Ҳодисада тинч аҳоли ва аскарлар ҳам ҳалок бўлгани ва яралангани маълум қилинган.
Воқеа жойида ўт ўчирувчилар ёнғинни ўчиришган, жароҳатланганлар шифохонага етказилган.
Al Arabiya телеканалининг хабар беришича, Суданнинг Омдурман шаҳрида (Хартум провинцияси) Судан армиясига тегишли ҳарбий самолётнинг қулаши оқибатида 19 киши ҳалок бўлган.
Техник носозлик туфайли самолёт маҳаллий авиабазадан ҳавога кўтарилганидан кўп ўтмай қулаб тушган. Ҳодиса оқибатида бортда бўлган экипаж аъзолари ва суданлик аскарлар, шунингдек, самолёт ҳалокатга учраган турар-жойлардаги тинч аҳоли вакиллари ҳалок бўлган. Қутқарувчилар ҳалокат жойидаги вайроналарни тозалашда давом этмоқда, дейилади хабарда.
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
Қодировнинг аҳволи жуда оғир: у ворис қидирмоқда
