Ҳозирда Россиянинг НАТОнинг бирор бир давлатига ҳужум қилиш нияти ҳам, қобилияти ҳам йўқ. Бу ҳақда альянс бош котиби ўринбосари Мирча Жоана маълум қилди.
Унинг сўзларига кўра, энди Иттифоққа қарши «тўлиқ гибрид уруш» бошланди.
«Биз киберҳужумлар, дезинформациялар, гибрид урушлар, саботаж, зўравонлик ва қотилликларни кўрамиз. Ҳозир содир бўлаётган нарса мисли кўрилмаган мураккабликдаги инқирозлар, технологик ва ижтимоий ўзгаришларнинг комбинациясидир. Шунинг учун мен бир нарсани айтишим мумкин: биз НАТОга кирганимиз учун Худога шукур», - деди Жоана.
Шунингдек, у НАТО ҳозирда сўнгги ўн йилликларда ҳеч қачон бўлмаганидек, мудофаа режалари ва ҳарбий ишлаб чиқаришни кўпайтириш орқали мослашиш ва ўзгариш жараёнида эканлигини қўшимча қилди.