ЦСКА Файзуллаев трансфери учун пулни кутмоқда

ЦСКА коммуникациялар хизмати раҳбари Кирилл Брейдо Аббосбек Файзуллаев трансфери ҳақида гапирди. Яқинда "Истанбул Башакшеҳир" ҳужумкор ярим ҳимоячини ўз сафига қўшиб олганини эълон қилди.

"Яқин вақт ичида "Истанбул Башакшеҳир" ЦСКА билан трансфер учун тўлиқ ҳисоб-китоб қилиши керак. Биз Аббосга муваффақиятлар ва футболдаги орзусини амалга оширишини тилаймиз," - деб ёзди Брейдо телеграм-каналида.

Шунингдек, Брейдонинг таъкидлашича, ЦСКА Файзуллаев билан хайрлашганидан сўнг ҳужумга янги футболчи изламоқда.