Янги йил арафасида қаҳратон қиш аксарият европаликларни қалин кийимлар ва шарфларга бурканишга мажбур қилган бир паллада, қитъанинг энг совуқ ўлкаларидан саналган Исландияда ёз ҳавоси кузатилди.
Исландия шарқидаги Сейдисфьордюрда маҳаллий мезонлар бўйича ҳақиқий жазирама қайд этилди — ҳарорат Целсий бўйича 19,8 даражага кўтарилди. Баккагердида ҳаво ҳарорати — 19,7 даража.
Бу Исландия учун декабр ойидаги янги рекорд. Олдингиси 2019 йил 2 декабрида қайд этилган, мамлакат жануби-шарқидаги Квискерярда 19,7 даража илиқ бўлганди.
Мамлакат метеохизмати ходими Биргир Эрн Хёскулдссон бу қиш мўъжизаси қандай юзага келганини тушунтирди. Исландия шарқидаги кучли юқори босимли ҳудуд оролга тропикдан келган нам ва ғайриоддий илиқ ҳавони йўналтирди. Кучли шамол туфайли тоғлар яқинида кучли пастга йўналган оқим ҳосил бўлди ва ҳудудни рекорд даражагача қиздирди.
Исландиянинг бошқа ҳудудларида шу кунлари кучли шамол эсиб, ёмғир шаррос қуйган.
Ўқитувчилар ва тиббиёт ходимларининг ойлиги 2 баравар оширилади
Мактаб ва коллеж битирувчилари 1 йиллик ҳарбий хизматга жалб қилинади
Собиқ мудофаа вазири президент саройига бостириб киришни уюштиргани учун ҳибсга олинди
