Сомалида парламент томонидан конституцияга киритилган ўзгартириш билан президент ва парламент аъзоларининг халқ томонидан сайланишига қарор қилинди.
«Репорт»нинг хабар беришича, Сомали парламенти спикери шайх Адан Мадобе конституцияга киритилган ўзгартиришлар ҳақида матбуотга маълум қилган.
Мадобенинг айтишича, ўзгартиришга кўра, бундан буён халқ президент ва парламент аъзоларини сайлайди. Шунингдек, у қарор билан президентнинг ваколат муддати 4 йилдан 5 йилга оширилганини маълум қилди ва президентнинг исталган вақтда бош вазирни тайинлаш ва лавозимидан озод этиш ваколати борлигини таъкидлади.
