Словакия ЕИ имтиёзлари остида Россиядан газ сотиб олишни кўпайтирмоқчи

Словакия Европа Иттифоқи имтиёзлари доирасида Россия газини истеъмол қилишни ошириш ниятида.

Bloomberg агентлиги хабар беришича, давлат назоратидаги Slovensky plynarensky priemysel (SPP) энергетика компанияси 2026 йилда Россиядан ушбу турдаги энергия хомашёсини импорт қилиш орқали ўз истеъмолчиларини газ билан тўлиқ таъминлашни режалаштирмоқда.

Қайд этилишича, бу Европа Иттифоқидаги бошқа харид қилувчи компаниялар учун спот харидларни тақиқлаш туфайли мумкин бўлади, бу эса узоқ муддатли Газпром мижозлари учун қувурларда кўпроқ қувватни бўшатади.

ЕИда Россия Федерациясига қарши санксиялар доирасида 2026 йил январь ойидан Россия газини спот сотиб олишни тақиқлаш кучга киради. Ҳамжамиятга аъзо барча давлатлар фақат 2027 йил охиригача Россия энергетика ресурсларидан воз кечиши керак. Словакия ва Венгрия “Газпро” билан узоқ муддатли шартномаларни бажариш учун ўтиш даври учун истисно олади. Шу сабабли, агентлик маълумотларига кўра, Словакия компанияси Венгрия MVM каби, "Газпром" билан тузилган узоқ муддатли шартномаларни амалга ошириши мумкин. SPPнинг Газпром билан шартномаси 2034 йилгача амал қилади.

Bloomberg агентлиги SPP савдо директори Мишал Лаликнинг сўзларидан иқтибос келтирди: "Россия гази биз учун энг тежамкор, шунинг учун биз унга устувор аҳамият берамиз. Эҳтиёжимизнинг 100 фоизини Россиядан газни қондириш учун сотиб олишимиз мумкин. Бу кунига тахминан 8 миллион кубометр", - деди.

Братислава Россия газининг Украина орқали транзитини сақлаб қолишни талаб қилди, ҳукумат жорий йил бошида tтказиб беришни тўхтатди. Ҳозирда Словакия Россиядан энергетика хомашёсини «Турк оқими» қувури орқали олади, бироқ унинг ҳажми республикага импорт қилинадиган газнинг ярмидан камини ташкил қилади.

Словакия ҳукумати, агентлик таъкидлаганидек, ЕИда Россия энергия ресурслари импортини рад этиш режаларига қарши. Шу билан бирга, Вазирлар Маҳкамаси республика учун катта молиявий йўқотишларга ишора қилади.