Сирдарёда сувда оқиб кетаётган фуқаро қутқарувчилар томонидан қутқарилди

Кеча, 7 август куни соат 19:32 да Сирдарё вилояти Фавқулодда вазиятлар бошқармасига "112" тизими орқали, Гулистон шаҳрининг "Обод-юрт" ва "Бўстон" маҳаллалари орасидан оқиб ўтувчи "Дўстлик" каналида фуқаро сувда бақириб, оқиб кетаётгани ҳақида ушбу ҳудуддан ўтиб кетаётган йўловчи томонидан ташвишли хабар берилган.

Хабарга асосан, соат 19:35 да вилоят ФВБ ғаввос-қутқарувчилари зудлик билан воқеа жойига етиб боришган ҳамда фуқаронинг ҳаёти сақлаб қолинган.