Сирдарё вилояти Гулистон шаҳрида оёғи панжара орасига тушиб кетган болага ёрдам кўрсатилди, деб хабар беради Фавқулодда вазиятлар вазирлиги матбуот хизмати.
Маълум қилинишича, 28 август куни соат 07:22 да Сирдарё вилоят ФВБга Гулистон шаҳар «Бўстон» МФЙ ҳудудидаги ариқ устига ўрнатилган металл панжара орасига 11 ёшли боланинг бир оёғи қисилиб қолгани тўғрисида мурожаат келиб тушган.
Зудлик билан воқеа жойига етиб борган қутқарувчилар махсус ускуналар ёрдамида боланинг оёғини панжара орасидан жароҳатларсиз чиқариб олиб, амалий ёрдам кўрсатган ва ота-онасига соғ-омон топширган.
"Фавқулодда вазиятлар вазирлиги барча ота-оналардан фарзандларини назоратсиз қолдирмасликни сўраб қолади", — дейилади хабарда.
Мудофаа вазирлиги мурожаат билан чиқди
Жиззахда қайнонасини урган келинга нисбатан «иш» очилди
Бугун республика ҳудудининг катта қисмида ёмғир ёғади
