Швейцария раҳбари Виола Амҳерд Украина бўйича июн конференциясига тўрт давлат: Хитой, Ҳиндистон, Бразилия ва Жанубий Африка раҳбарларини таклиф қилди. Бу ҳақда давлат раҳбари маҳаллий Blick газетасига берган интервюсида айтди.
"Биз таклифномаларни шу ҳафтада юбордик. Умид қиламанки, бу давлатлар фаол иштирок этадилар", деди у журналистларга.
Эслатиб ўтамиз, анжуман 15-16 июн кунлари Луcерне шаҳри яқинида ўтказилиши режалаштирилган. Ушбу учрашувга 160 га яқин давлат таклиф этилган. Россия Федерацияси иштирок этмайди.
Аввалроқ, Россиянинг Берндаги элчиси Сергей Гармонин Россия Швейцариядаги Украина бўйича конференцияда ҳеч қандай форматда иштирок этмаслигини айтган эди. Унинг сўзларига кўра, анжумандан мақсад Россияга ултиматум қўйишдир.
Россия президенти матбуот котиби Дмитрий Песковнинг сўзларига кўра, Украина бўйича Россия иштирокисиз музокаралар жараёни умуман маънога эга эмас.
Столтенберг: “Агар Украина урушда ютқазса..."
Ўғри божхоначилар 26 тонна олтин билан қўлга тушди
Арманистон шу йилнинг ўзидаёқ Европа Иттифоқига киришга тайёр
