Швейцария ҳукумати 2017 йилда қабул қилинган атом энергиясидан воз кечиш қарорини қайта кўриб чиқишни таклиф қилди. Бу қарор 2011 йилда Япониядаги Фукусима атом электр стансиясида юз берган йирик авария билан боғлиқ эди. 2017-йилда ўтказилган референдумда швейтсарияликлар янги атом электр стансиялари қурилишини тақиқлашни қўллаб-қувватладилар, гарчи мавжудлари хавфсиз деб топилган бўлса, ишлашига рухсат берилган эди.
Ҳокимият электр энергиясининг барча экологик тоза шаклларини ишлаб чиқаришга рухсат бериш учун янги референдум ташкил этиши кутилмоқда. Бунга ядровий энергия киради, чунки у углерод нейтрал ҳисобланади.
Швейцария Федерал Кенгаши 2017-йилдан бери шарт-шароитлар кескин ўзгарганини тушунтирди: хусусан, Россиянинг Украинага бостириб кириши сабабли Европада газ таъминотида узилишлар бошланди.
Бироқ, қайта тикланадиган энергияни ривожлантириш Швейцария учун устувор вазифа бўлиб қолмоқда. Шунга қарамай, ишлаётган тўртта атом электр станцияси, жумладан, дунёдаги энг қадимги АЭСлардан бири Безнау мамлакат энергия истеъмолининг бир қисмини таъминлашда давом этмоқда.
Германияда ҳукумат охирги атом электр стансиясини бир ярим йил аввал ёпган эди.
Сурияликлар пул тўла қоплар билан банкларга бостириб киришмоқда
Суриянинг янги раҳбари Исроилга сигнал юбормоқда
Исроил ғаразли мақсадини эълон қилди
