Швеция матбуоти Мбаппени аёлни зўрлаганликда айбламоқда

Килиан Мбаппе жароҳати сабаб Франция терма жамоасига бормади. Форвардни Стокголмдаги тунги клубда кўришган.

Матбуот футболчини зўравонликда айбламоқда. Франциянинг RMC Sport нашри швециялик ҳамкасбларига таяниб, шундай дейди:

"Стокголм полицияси бир аёл Килиан Мбаппе ва унинг дўстлари ўтган ҳафта икки кун бўлган меҳмонхонада содир бўлган зўрлаш ҳақида шикоят қилганидан кейин тергов бошлади".

Килианнинг ўзи миш-мишларга тезда жавоб берди: "Ёлғон хабар. Бу "ПСЖ" билан тортишувлар юз берган вазиятда содир бўлгани кулгили ҳолат".