Шольц Туркияга учади. У Эрдўған билан нимани муҳокама қилмоқчи?

Яқин Шарқ, Украинадаги уруш учун Россия Федерациясига қарши санкциялар, қочқинлар ва Анқарага немис қуролларини етказиб бериш кутилаётган асосий мавзулар. Ҳар бири ўзига хос тарзда қийин.

🔹 Шундай қилиб, 2023 йилда, ҲАМАСнинг Исроилга қилган терактидан икки ой ўтиб Германияга ташрифи чоғида Туркия президенти бу гуруҳни «озодликчи» деб атади ва Германияни Исроил олдидаги «айб психологияси»да айблади. Шунда Шольц Берлин ва Анқара бундай «қийин дамларда» «тўғридан-тўғри мулоқот»ни давом эттириши кераклигини айтди.

🔹 Германия расмийлари Туркия Россия Федерациясига қарши Ғарб санкцияларига қўшилиши кераклигини бир неча бор таъкидлаган. Туркия Амалий тадқиқотлар марказидан сиёсатшунос Енс Бастиан фикрича, Германия канцлери «масалан, президент Эрдўған Европа Иттифоқи ва Туркия ўртасидаги божхона иттифоқига янги туртки бермоқчи бўлса», бу шартларни аниқ белгилаб қўйиши керак.

🔹 Шубҳасиз, Шольц Германиядан кўпроқ рад этилган турк бошпана изловчиларни ватанларига депортация қилиш масаласини ҳам кўтаради. Туркия Германиядан бошпана изловчилар келиб чиқиши бўйича Сурия ва Афғонистондан кейин учинчи ўринда туради. Рад этишларнинг аксарияти курдларга тегишли, дейди CATS раҳбари Ҳюркан Асли Аксой. Унинг сўзларига кўра, Германия ва Туркия ҳар ҳафта 500 тагача шундай қочқинни депортация қилиш имкониятини муҳокама қилмоқда. Буни расмий тасдиқлагани йўқ.

🔹 Қуролларга келсак, Туркия ҳаво кучлари учун 40 та Eurofighter қирувчи самолётини сотиб олмоқчи. Бироқ, Германия уларни Испания, Буюк Британия ва Италия билан биргаликда ишлаб чиқаради ва тўртта давлат ҳам этказиб беришга розилик бериши керак. Эрдоған аввалроқ Берлинни бу йўналишда «қатъий қадамлар» олишга чақирган. Шу билан бирга, 2024 йил сентябрь ойида Туркияга камида 236 миллион евролик немис қуроллари, жумладан, зенит-ракеталар ва торпедалар экспорти аллақачон тасдиқланган эди.