Шольц: Германияга украиналиклар керак

Германияда ишлаётган ҳарбий ёшдаги украиналиклар ватанига депортация қилиниш хавфи остида эмас, деди канцлер Олаф Шольц.

«Бандлик туфайли яшаш хавфсизлиги ҳам таъминланади», - дея таъкидлади Шольц.

Канцлер Германиядаги украиналикларни иш қидиришга чақирди. «Биз Украинадан келганлар, агар имкони бўлса, ҳозир ишлашларини истардик», деди у. «Кўпчилик буни аллақачон қиляпти, тан олишим керак, лекин яна бир неча юз минг киши буни қила олади, бу меҳнат бозорига зудлик билан зарурдир».