Шимолий Кореядан сўнг Эронга: Шойгу у ерда нима қиляпти?

Россиянинг юқори лавозимли расмийлари хавфсизлик масалалари бўйича музокаралар учун Эронга ташриф буюрди.

Россия ва Эрон ОАВларининг хабар беришича, Россия хавфсизлик бўйича юқори лавозимли амалдори, собиқ мудофаа вазири Сергей Шойгу Теҳронда эронлик ҳамкасби билан музокара ўтказган.

Учрашув Шойгу Пхенянда Шимолий Корея етакчиси Ким Чен Ин билан учрашганидан бир неча кун ўтиб бўлиб ўтди.

Эрон Миллий Хавфсизлик Олий Кенгашига алоқадор «Нур» ахборот агентлигининг хабар беришича, Шойгу эронлик ҳамкасби Али Акбар Аҳмадиан билан учрашган.

Россия Украинада уруш бошланганидан бери АҚШга душман бўлган Эрон ва Шимолий Корея билан алоқаларини чуқурлаштирди.

Вашингтон ҳар икки давлат Россияга можарода фойдаланиш учун баллистик ракеталар етказиб бераётганини айтади, Москва эса буни рад этиб келмоқда.