Шахмат. Бугун мукофот жамғармаси 350 000 АҚШ долларини ташкил этувчи нуфузли турнир старт олади, унда Нодирбек Абдусатторов ҳам иштирок этади

Бугун АҚШнинг Сент-Льюис шаҳрида шахмат бўйича мукофот жамғармаси 350 000 АҚШ долларини ташкил этувчи нуфузли турнир старт олади.

Grand Chess Tour’нинг якуний классик босқичи 29 августга қадар давом этади ва айланма тизимда 9 турдан иборат бўлади. Ушбу босқич GCT очколари учун сўнгги имконият ҳисобланади. Бугундан 10 нафар гроссмейстер бош соврин учун баҳсларга киришади.

Нодирбек Абдусатторов бизнинг вақт билан соат 22:00да бошланадиган 1-тур учрашувида Левон Аронянга қарши дона суради. Америкалик гроссмейстер бир неча кун олдин айнан Сент-Луис шаҳрида якунига етган Saint Louis Rapid and Blitz 2025 турнирида чемпион бўлган эди. Нодирбек ҳар икки блиц партияларида Аронянни мағлубиятга учратганди.

Sinquefield Cup 2025 иштирокчилари: Нодирбек Абдусатторов (Ўзбекистон), Гукеш Доммараджу (Ҳиндистон), Фабиано Каруана (АҚШ), Рамешбабу Праггнанадҳа (Ҳиндистон), Алиреза Фирузджа (Франция), Уэсли Со (АҚШ), Левон Аронян (АҚШ), Ян-Криштоф Дуда (Польша), Максим Вашье-Лаграв (Франция), Сэм Севиан (АҚШ).

Sinquefield Cup 2025. 1-тур жуфтликлари:

Сэм Севиан (АҚШ) - Уэсли Со (АҚШ)

Максим Вашье-Лаграв (Франция) - Алиреза Фирузджа (Франция)

Нодирбек Абдусатторов (Ўзбекистон) - Левон Аронян (АҚШ)

Рамешбабу Праггнанадҳа (Ҳиндистон) - Гукеш Доммараджу (Ҳиндистон)

Фабиано Каруана (АҚШ) - Ян-Криштоф Дуда (Польша)