Шавкат Мирзиёев Ўзбекистоннинг барча ёшларига мурожаат қилди

Давлатимиз раҳбари Ўзбекистоннинг барча ёшларига мурожаат қилди.

“Қадрли ўғил-қизларим, мамлакатимиз истиқболи, барча эзгу ниятларимиз ижобатини биз аввало сизларнинг тимсолингизда кўрамиз.

Келажакда турли соҳаларда улкан ютуқ ва зафарларга эришиб, юртимизни дунёга янада кенг тараннум этишингизни истаймиз.

Маррани баланд олинг, сиз буюк ишларга қодирсиз!

Ҳамиша ўз кучингиз, қатъият ва салоҳиятингизга ишонинг!

Давлатимиз, халқимиз, Президент сизларни бу йўлда доимо қўллаб-қувватлайди, ҳар қандай ёрдамни аямайди”, деди Мирзиёев.