Сенегал президенти Бассиру Диомайе Файе мамлакат терма жамоасининг Африка миллатлар кубогидаги ғалабаси муносабати билан душанба, 19 январь санасини дам олиш куни деб эълон қилди.
Журналист Станис Тшиамала хабарига кўра, иш куни бекор қилинганига қарамай, ушбу сана тўлиқ ҳақ тўланадиган кун бўлиб қолади.
Кеча Сенегал терма жамоаси турнир финалида мусобақа мезбонлари — Марокашни 1:0 ҳисобида мағлуб этди. Учрашувдаги ягона голни Папа Гуйе 94-дақиқада киритди.
Учрашув можароларга бой бўлди. Аввалига ҳакам мезбонлар дарвозасига урилган голни бекор қилди, кейин эса Сенегал дарвозаси томон пенальти белгилади. Бунга жавобан жамоа норозилик сифатида майдонни тарк этди, бироқ кейинчалик яна ўйинга қайтди.
Якунда Браим Диас 11 метрлик жарима зарбасини аниқ ижро эта олмади ва шундан сўнг деярли дарҳол Сенегал ҳал қилувчи голни уриб, совринни қўлга киритди.
«Реал»дан истеъфога чиқарилган Хаби Алонсо яна Германияда иш бошлаши мумкин
Клопп «Реал» юлдузини жамоадан ҳайдайди
Абдуқодир Ҳусановга жиддий рақобатчи келмоқда
