АҚШ Сенати Президент Дональд Трамп маъмуриятидан қонунчилик розилигисиз Венесуэлага қарши ҳарбий куч ишлатмасликни талаб қилувчи резолюцияни блоклади.
Конгресс юқори палатасидаги овоз бериш C-SPAN телеканалида эфирга узатилди.
Резолюцияни 50 нафар қонун чиқарувчи қўллаб-қувватлади, шунча одам эса қарши овоз берди. Юқори палата тенг бўлинганлиги сабабли, АҚШ вице-президенти Джей Ди Вэнс овоз бериш ҳуқуқидан фойдаланди. АҚШ Конституциясига кўра, у Сенатга раислик қилади.
Қўшма резолюция сенаторлар Тим Кейн (Виржиния штатидан демократ), Рэнд Пол (Кентукки штатидан республикачи) ва Адам Шифф (Калифорния штатидан демократ), шунингдек, Сенат озчиликлар етакчиси Чак Шумер (Нью-Йорк штатидан демократ) томонидан қўллаб-қувватланди. Унинг мақсади АҚШ ҳарбийларининг "Конгресс томонидан тасдиқланмагунча Венесуэлада ёки унга қарши ҳарбий ҳаракатларда" иштирок этишининг олдини олиш эди. Резолюцияда Қўшма Штатларда фақат қонун чиқарувчи орган уруш эълон қилиш ваколатига эга эканлиги таъкидланган.
"Конгресс Венесуэлага ёки Венесуэлада бирон бир шахс ёки ташкилотга қарши уруш эълон қилмаган, шунингдек, Венесуэлада ёки унга қарши ҳарбий куч ишлатишга рухсат бермаган", дейилади матнда.
"Тез орада Ватанимга қайтишга ҳозирлик кўрмоқдаман"
Пропан нархининг кўтарилиши бўйича баёнот эълон қилинди
Зеленский ҳарбий жиноятчи сифатида Грознийга олиб келинади, агарда...
