Хитой ҳукумати миллий авиакомпанияларга Американинг Boeing компаниясидан янги самолётларни етказиб беришдан бош тортишни буюрди. Бу ҳақда Bloomberg ахборот агентлигига таяниб хабар берди.
Уларга кўра, Пекин америкалик ишлаб чиқарувчилардан асбоб-ускуналар ва бутловчи қисмларни харид қилишни тўхтатишни ҳам талаб қилган. Бу қарор 12-апрел ҳолатига кўра 125 фоизни ташкил этган Америка товарларига оширилган божлар кучга кирганидан кейин қабул қилинди.
Агентлик таъкидлаганидек, бу чоралар Америка самолётлари ва эҳтиёт қисмлари нархини икки баравар оширади. Нархларнинг кескин ўсиши шароитида Boeing ускуналарини сотиб олиш Хитой ташувчилари учун фойдасиз бўлиб бормоқда.
Шу билан бирга, Хитой ҳукумати Boeing самолётларини ижарага олган ва харажатлар ортиб бораётган авиакомпанияларни қўллаб-қувватлашга тайёр , дея хабар беради Bloomberg манбалари.
Тақиқ эълон қилинишидан олдин Хитой авиакомпаниялари ўнга яқин янги Boeing 737 Мах самолётларини қабул қилишга тайёрланаётган эди.
Янгиликларга кўра, Boeing акциялари бозор олдидан савдоларда 4,6 фоизга тушиб кетди. Йил бошидан буён компания акциялари 14 апрел ҳолатига кўра 10 фоизга арзонлашган.
Хитой расмийлари эскалацияга интилмаётганликларини, аммо АҚШ босимни давом эттирса, бунга тайёр эканини таъкидламоқда. Хитой Ташқи ишлар вазирлиги матбуот котиби Лин Жианнинг сўзларига кўра, “Америка стратегияси қўллаб-қувватланмайди ва якуни муваффақияциз тугайди”.
Юаннинг заифлашиши ва бозорнинг рекорд даражадаги ўзгарувчанлиги билан Хитой бошқа соҳаларда босимни ошириши мумкинлигини кўрсатмоқда. Асосий дастаклардан бири стратегик аҳамиятга эга нодир тупроқ металларини экспорт қилишни чеклашдир . Қўшма Штатлар электроника, мудофаа ва энергия ишлаб чиқаришда уларга боғлиқ. Агар этказиб беришга тўлиқ тақиқ қўйилса, Пекин Америка иқтисодиётининг муҳим тармоқларида таъминот занжирларини ёпиши мумкин.
