Саудия Арабистонининг мамлакат шарқидаги нефт конларини Қизил денгиз билан боғловчи Шарқ—Ғарб нефт қувури дрон ҳужумларидан кейин вақтинча тўхтатилди. Бу ҳақда Reuters Саудия расмийларига таяниб хабар берди.
Ҳужумлар қувурнинг Ар-Риёд ва Мадина ҳудудларидаги объектларига амалга оширилган. Саудия Арабистони томони дронлар Ироқ ҳудудидан учирилганини маълум қилган, бироқ ҳужум ортида ким турганини очиқламаган.
"Зарбалар оқибатида жароҳатланганлар бор, қувур инфратузилмасига етказилган зарар ҳажми ўрганилмоқда. Нефт экспортига ҳужум қанчалик таъсир қилгани ҳақида ҳозирча маълумот берилмаган", дейилади Reuters хабарида.
Шарқ—Ғарб қувурининг узунлиги қарийб 1200 километр бўлиб, Саудия Арабистони нефтини Ҳўрмуз бўғозидан ўтказмасдан жаҳон бозорига олиб чиқишдаги асосий муқобил йўл ҳисобланади. Таҳлилчиларнинг ҳисоб-китобига кўра, сўнгги ойларда қувур орқали кунига 4–5 млн баррел нефт ташилган. Бу жаҳон нефт таъминотининг тахминан 4–5 фоизига тенг.
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
«Вафот этган» Бибимарям тирик экани тасдиқланди — Face ID ишга тушди
Дунё харитаси 500 йил ичида илк бор янгиланди
