Саудия Арабистонида 500 млрд долларлик тоғ-чанғи курорти қурилмоқда

Саудия Арабистонида чўл ўртасида сунъий кўл ва тоғ-чанғи курорти яратилмоқда. Бу ҳақда “808.медиа” нашри хабар берди.

Қиймати $500 млрдлик мажмуа Ақаба кўрфази қирғоғидан 50 км узоқликда жойлашган бўлиб, қишда ҳарорат нолдан пастга тушади ва бошқа пайтларда бошқа ҳудудларга нисбатан 10 °С совуқроқ бўлади.

Сув омбори яқинида элита уйлари, меҳмонхона ва ресторанлар қурилади, тоғларда чанғи йўлаклари жиҳозланади.

Иш 2026-йилга қадар якунланиши ва 2029-йилда қишки Осиё ўйинлари бўлиб ўтиши ваъда қилинган.

Саудия Арабистони 2029-йилда илк бор қишки Осиё ўйинларига мезбонлик қилади. Бу ҳақда Камбоджада бўлиб ўтган Осиё олимпия кенгаши ассамблеясида маълум қилинди.

Қишки мусобақалар қишки ўртача ҳарорат +22 даража Цельсий бўлган мамлакатда ўтказилади.

Италиянинг “Wебуилд” қурилиш компанияси чучук сувли кўл яратиш учун учта тўғон қурмоқда, шунингдек, шартнома бўйича қатор инновацион ишларни амалга оширмоқда.

Қурилишда 10 000 дан ортиқ киши, жумладан, бевосита ходимлар ва учинчи томон ташкилотларининг ходимлари иштирок этмоқда.

“Wебуилд” шунингдек, кўл юзасини асосий тўғондан ташқарига чўзадиган футуристик ёйни, меъморий тузилмани яратади.

У водий бўйлаб осилган кеманинг камонига ўхшайди ва ҳашаматли меҳмонхона, шунингдек, турар-жой майдонини ўз ичига олади.