Санкциялар оқибати: Россиялик делегация АҚШда самолёт ёнилғисини нақд пулда тўлади

АҚШ Давлат котиби Марко Рубио NBC каналида айтишича, санкциялар туфайли россиялик делегация АҚШга кўп миқдорда нақд пул олиб учишига мажбур бўлган.

«Руслар Аляскага қўнганда самолётни ёнилғи билан тўлдириш учун нақд пул билан тўлашлари керак бўлди, чунки улар биздаги банк тизимидан фойдаланолмайди. Улар ҳар куни санкцияларнинг оқибатларини ҳисобга олиши керак», — деди Рубио.

📌 Путиннинг самолёти 152 620 литр ёнилғи сиғимига эга. Халқаро ҳаво транспорти ассосацияси (IATA) Jet Fuel Price Monitor маълумотларига кўра, сўнгги пайтларда авиация ёнилғи нархи бир галлон (тахминан 3,8 литр) учун тахминан 2,10 долларни ташкил қилган. Демак, битта самолёт учун Россия тахминан 85 000 доллар тўлаши мумкин.

Саволга жавобан, нима учун АҚШ президенти Дональд Трамп ҳали Владимир Путинни «жазоламади», деб сўралганда, Рубио шундай жавоб берди:

«У лавозимга кирган кунидаги барча санкциялар кучда қолади. Ва бу санкцияларнинг оқибатлари ҳам давом этмоқда».

Шу билан бирга, Анкоридждаги бу ҳолат мисолида Рубио таъкидладики, унинг фикрича, санкциялар Украина урушининг оқимини ўзгартирмайди. У қўшимча қилди:

«Бу санкциялар самарасиз дегани эмас — бу улар уруш натижасига таъсир қилмаганини англатади».

📌 АҚШ президенти Трамп Путин тинчлик келишувига рози бўлмаса, янги санкциялар киритилишини кўп маротаба таҳдид қилган, аммо ҳозирча бу фақат таҳдид бўлиб қолмоқда.