“Самовий Феррари” Туркиянинг Baykar'ига сотилди

Италия Piaggio Aerospace авиакомпаниясини Туркиянинг Baykar компаниясига сотишни маъқуллади, деб ёзади Anadolu агентлиги.

Туркиянинг ҳужумчи учувчисиз учиш аппаратлари ишлаб чиқарувчисининг таклифи 1884-йилда асос солинган Италиянинг машҳур самолёт гиганти Piaggio Aerospace'ни сотиб олиш бўйича тендерда энг яхшиси бўлди, деб хабар беради Байкар. Компания турли мамлакатлардан тендерда қатнашган рақобатчилардан устун келди.

Piaggio Aerospace P.180 Аванти бизнес-жетлари ва авиация двигателларининг таниқли ишлаб чиқарувчиси ҳисобланади. Пиаггио П180 Аванти кўпинча "Самовий Феррари" деб аталади.