Бугун 29 март, 2024 йил, жума

O'ZB

Самарқанддаги жанжалда тиши синган турк: “Ўзбеклар ўз ватанида иккинчи сорт инсон муомаласини кўришаркан...”

Самарқанддаги жанжалда тиши синган турк: “Ўзбеклар ўз ватанида иккинчи сорт инсон муомаласини кўришаркан...”

Туркияда меҳнат муҳожири бўлган педагог Феруза Иззат Фейсбук саҳифасида Самарқандда юз берган жанжалда жабрланган турк қурувчисининг сўзларини келтириб, муносабат билдирди:

"Ёзда Самарқанддалигимда олган расмларимни инстаграмга жойлагандим. Бир турк қурувчи йигит Самарқандда ишлаётгани ҳақида ёзувди. Шаҳарга янги келганини, 4 йиллик контракт тузилганини, ҳали шаҳар айланмаганини, лекин одамларини ёқтирганини айтувди. Орада опа яхшимисан, деб салом алик қилиб турди. Кейин иш, куч билан бўлиб, гаплашмай кетдик.

Бугун ёзибди: “Уйга қайтдим. Жуда ёмон жанжал чиқди,” деди. “Қурилишдаги туркларга ўзбеклар ташланишди. Қўлида бори билан аямай уришди. Тош, таёқ, белкурак, ҳаммаси ишга тушди. Ҳар бир туркни 50 ўзбек бир бўлиб дўппослади. “Тишларим синди. Тирик қолганимга шукр қиляпман,” дейди.

Яқинда интернетда видеоси тарқалган ўша жанжалда у ҳам бор экан. Тўғриси, видеода жанжалнинг бунчалик шиддатли бўлгани билинмаганди. Жуда ҳафа бўлдим. “Биз Туркияда қанчадан қанча чет элликка соҳиб чиқамиз, сиз юртингизга ишлашга келган 70 та туркни қабул этолмадингиз” деди.

“Нимадан чиқди жанжал” десам, ”Ўзбеклар ўз ватанида иккинчи сорт инсон муомаласини кўришаркан. Ойликлари бизникидан оз, яшаш шароитлари биздан анча ёмон, овқатлари ҳам ёмонроқ эди. Фақат бунда бизнинг айбимиз йўқ эдику, биз нега калтак еганимизни тушунмадик,” дейди.

Уялдим. Жуда уялдим. Бу ерда меҳнат мухожириман. Биринчидан, турклар ўлиб қолса менга кўпроқ ҳақ бериб, ўзининг туркига камроқ ойлик бермайди. Меҳнат шароити ҳам ҳудди шундай. Иккинчидан, фараз қилайлик, менга турклардан кўра бошқачароқ, яхшироқ муомала қила бошлашди. Турклар галалашиб менинг устимга ёпирилмайди. Бориб иш берувчи билан ҳал қилади.

Ўзбекистоннинг обрўси мисқоллаб йиғилаётган, Туркия билан алоқаларга илиқлик уфура бошлаган пайтда шунча турк, уларнинг яқинлари, оиласи, дўстлари, қўни-қўшнилари Ўзбекистондан нафрат этадиган бўлди. Шу бизга керакмиди?

Sof.uz

Киритилди: 13:40 14.11.2019. Ўқилди: 13752 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!