Гиёҳвандлик воситаларининг ноқонуний айланмасига қарши курашиш доирасида Давлат хавфсизлик хизматининг Самарқанд вилояти бўйича бошқармаси ходимлари томонидан олиб борилган тезкор-қидирув тадбирлари натижасида катта миқдордаги наркотик модда контрабандасига чек қўйилди.
Хусусан, Форс кўрфази мамлакатларидан бирининг 1971 й.т. фуқароси ҳозирда шахсига аниқлик киритилаётган қўшни республика фуқароси билан тил бириктириб, ўзининг бошқарувида бўлган “Ренаулт” русумли юк автомашинасида гиёҳвандлик воситасини хориждан Ўзбекистонга олиб келган.
Вилоят Божхона ва Ички ишлар бошқармалари билан ҳамкорликда мазкур чет эл фуқароси вақтинчалик истиқомат қилаётган Иштихон туманидаги уйни кўздан кечириш жараёнида соф оғирлиги 20 кг 239 гр бўлган экстракцияли опий борлиги аниқланиб, процессуал тартибда расмийлаштириб олинди.
Таъкидлаш лозим, наркотик модда юк автомашинасининг хуфиёна жойига ҳамда 2 дона аккумулятор ичига яширилган ҳолда олиб келинган.
Ҳозирда хорижлик фуқаро ва бошқаларга нисбатан Жиноят Кодексининг 246 ва 273-моддалари билан жиноят иши қўзғатилиб, тергов ҳаракатлари доирасида ушбу ҳолатга алоқадор шахсларни аниқлаш бўйича чоралар кўрилмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
