Саида Мирзиёева Халқаро ҳамкорлик бўйича Европа комиссари билан учрашди

Президент администрацияси раҳбари Саида Мирзиёева Брюсселга ташриф давомида Халқаро ҳамкорлик бўйича Европа комиссари Ёзеф Сикела билан учрашди.

Учрашувда Ўзбекистон билан Европа Иттифоқи ўртасидаги алоқаларни янада кенгайтириш масалалари муҳокама қилинган.

«Ўзаро муносабатлар бугунги кунда сиёсий, иқтисодий, инвестициявий ва маданий-гуманитар соҳаларда жадал ривожланиб бормоқда. Мулоқот давомида аниқ лойиҳа ва ташаббусларни илгари суришга алоҳида эътибор қаратилди.



Ҳамкорлик йўлида, шу жумладан Марказий Осиё миқёсида очилаётган янги имкониятларни тўлиқ ишга солиш муҳимлиги қайд этилди. Биз ЙИ билан шерикликни янада кенгайтиришга содиқлигимизни тасдиқладик», дейди Саида Мирзиёева.