Саида Мирзиёева: "Ҳеч ким ёрдам сўрашдан чўчимаслиги, дарди билан ёлғиз қолмаслиги керак"

Саида Мирзиёева Қашқадарё вилоятида наркология муассасаси фаолияти билан танишди.

"У ерга соҳадаги аҳволни борича кўриш, ўзгаришларни энг мураккаб жойдан бошлаш учун бордик. Муносиб шароит ва малакали ёрдам билан бирга самимий эътибор ҳам беморга куч беради. Баъзан бир оғиз далда кишида ишонч ва умид уйғотади. Ҳеч ким ёрдам сўрашдан чўчимаслиги, дарди билан ёлғиз қолмаслиги керак.

Касалликнинг олдини олиш, даволаш ва реабилитацияни қамраб олган, турли соҳа мутахассислари бир жамоа бўлиб ишлайдиган тизим яратишни мақсад қилганмиз.

Маҳаллий ва халқаро экспертлар билан биргаликда соҳани тубдан янгилашга қаратилган махсус дастур ишлаб чиқамиз. Бунда инсон, унинг қадри ва соғлом ҳаётга қайтишига кўмаклашиш эътибор марказида туради", деб ёзади Администрация раҳбари.