Италиянинг Бусто-Арцизио шаҳрида бокс бўйича Париж-2024 ёзги Олимпия ўйинлари учун лицензион турнирнинг ҳал қилувчи жанглари давом этмоқда.
Мусобақа доирасида Ўзбекистон терма жамоаси аъзоси Сабина Бобоқулова (-50 кг) чорак финал жангини ўтказди.
Япониялик Ринко Киношитага қарши кечган баҳсда ҳамюртимиз ҳакамлар қарори билан 4:1 ҳисобида ғалаба қозонди ва Париж-2024 ёзги Олимпия ўйинлари учун чиптани ютиб олди.
Олдинда Асадхўжа Мўйдинхўжаев ва Тўрабек Ҳабибуллаев иштирокидаги жанглар кутмоқда.
