Россия ташқи ишлар вазири ўринбосари Сергей Рябков “РИА Новости”га берган интервьюсида НАТО қўшни давлатларни русофоб қўрқинчли ҳикоялар билан зомбилаштираётганини айтди.
Шу билан бирга, у Россияга Ғарбдан ҳеч нарса керак эмаслигини қўшимча қилди.
"Биз ёлғиз қолишни хоҳлаймиз. Аммо НАТО, ўз навбатида, маниакал қатъият билан Россия чегараларигача доимий равишда эмаклаб бормоқда", - дея Рябковдан иқтибос келтиради РИА Новости.
Дипломатнинг қўшимча қилишича, Россия бир неча бор Ғарб ва АҚШ Киевни Москвага қарши қўйишда давом этса, рус халқини ранжитмаслигини ва чора кўришини билдирган.