Рухсат этиш хусусиятига эга айрим ҳужжатларнинг паспортлари тасдиқланмоқда

Киритилаётган ўзгартириш ва қўшимчалар билан қуйидагилар тасдиқланмоқда:

Вазирлар Маҳкамасининг 01.11.2024 йилдаги «Тадбиркорлик соҳасидаги мажбурий талабларни қисқартириш ҳамда рухсат бериш тартиб-таомиллари соддалаштирилиши муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида»ги ВМҚ-727-сон қарори қабул қилинди.

Киритилаётган ўзгартириш ва қўшимчалар билан:

• қуйидагилар тасдиқланмоқда:
• карантин остидаги маҳсулотлар учун карантин рухсатномаси, фитосанитария сертификати ҳамда ўсимликларни ҳимоя қилиш воситаларини тажриба сифатида қўллаш учун рухсатнома паспортлари;
• давлат ветеринария хизмати назорати остидаги товарларни экспорт, импорт ва Ўзбекистон Республикаси ҳудуди орқали транзит қилишда рухсат этиш хусусиятига эга ҳужжатларнинг паспорти;
• маҳаллий ва импорт қилинадиган ветеринария дори воситалари ҳамда озуқабоп қўшимчалар рўйхатдан ўтказилганлиги ҳақидаги гувоҳноманинг паспорти;
• қуйидагилар белгиланмоқда:
• карантин рухсатномаси ва фитосанитария сертификатини олиш учун аризаларни “Ягона дарча” божхона ахборот тизими орқали электрон шаклда расмийлаштириш тартиби;
• рухсат этиш хусусиятига эга ҳужжатларни беришни рад этиш тўғрисидаги хабарни электрон шаклда бериш тартиби.

Ҳужжат Қонун ҳужжатлари маълумотлари миллий базасида эълон қилинган ва 08.11.2024 йилдан кучга кирди.