«Сиёсат аёвсиз жараён»: Байден Оқ Уйда Трамп билан учрашди

АҚШ президентлик сайловларида ғалаба қозонган Доналд Трамп Оқ уйда амалдаги президент Жо Байден билан учрашди.

Учрашув давомида Байден Трампга ҳокимиятни тинч йўл билан кейинги президентга ўтказиш ниятида эканлигини айтди ва Трамп бу жараён «иложи борича силлиқ» ўтишини айтди.

«Жаноб сайланган ва собиқ президент Доналд, табриклайман! Биз ҳокимиятнинг узлуксиз ўтишини таъминлашни истаймиз ва сизга керак бўлган ҳамма нарсага эга бўлишингиз учун қўлимиздан келганини қиламиз», — деди Байден Трампга.

«Сиёсат - бу аёвсиз жараён ва умуман кўпинча унчалик ёқимли жой эмас. Аммо бугун у ёқимли ва мен буни жуда қадрлайман», деди Трамп шундан сўнг икки сиёсатчи қўл сиқишди.

Трамп ва Байден сайловолди кампанияси давомида бир-бирларини қаттиқ танқид қилишган ва охирги марта июнь ойида бўлиб ўтган дебатда учрашган. Кўп ўтмай, Байден ёши ва президент лавозимини эгаллаш қобилиятига оид хавотирлар туфайли пойгадан чиқди.

Сайланган президентнинг амалдаги раҳбар билан учрашуви Америка сиёсий ҳаётининг азалий анъанасидир.

Бироқ Трамп ютқазган, аммо тан олишдан бош тортган 2020 йилги президентлик сайловларидан кейин Байден билан учрашув бўлиб ўтмади: ўша пайтдаги президент уни таклиф қилишдан бош тортганди.

Трамп Вашингтонга 2024 йилги президентлик сайловларида ғалаба қозонганидан кейин биринчи марта келди. Оқ уйга ташрифидан олдин у Вакиллар палатасида бўлиб, у ерда Конгресс қуйи палатаси устидан назоратни сақлаб қолиш имконияти юқори бўлган Республикачилар партияси аъзолари билан учрашди.