Москвада Ўзбекистон Миграция агентлиги ва ТИВ вакиллари "Сахарово" миграция маркази масъуллари билан учрашди.
Унда Россиядаги муҳожирларга патент расмийлаштириш жараёнини енгиллаштириш ва Тошкентдаги филиал фаолиятини такомиллаштириш масалалари муҳокама қилинди.
Учрашув сўнгида патент олиш учун зарур рус тили имтиҳонини Ўзбекистондаги "Сахарово" миграция маркази филиалида йўлга қўйиш механизми Россия билан ҳамкорликда ишлаб чиқилиши келишиб олинди.
