"Қўшма Штатлар давлат котиби Марко Рубио Россия ташқи ишлар вазири Сергей Лавров билан телефон орқали суҳбат ўтказди ва Киев билан конструктив мулоқотга чақиришини яна бир бор такрорлади", — дея хабар берди АҚШ Давлат департаменти матбуот котиби Тэмми Брюс.
"Давлат котиби Рубио ўтган дам олиш кунлари бўлиб ўтган Россия ва Украина ўртасидаги “1000 га 1000” форматидаги ҳарбий асирлар алмашинувини олқишлади. Шунингдек, у президент Трампнинг урушни тугатишнинг ягона йўли сифатида Украина билан конструктив ва адолатли мулоқот ўрнатишга қаратилган чақириғини яна бир бор тасдиқлади", — дейилади Брюснинг Давлат департаменти сайтида эълон қилинган баёнотида.
Кеча Лавров Россия Украинага 2 июн куни Истанбулда янги учрашув ўтказишни таклиф қилганини ва ушбу учрашувда Украина делегациясига тинчликка эришиш бўйича меморандум тақдим этилишини билдирган.
Украина делегациясига раҳбарлик қилаётган мудофаа вазири Рустем Умеров Москвани навбатдаги учрашувгача меморандумни олдиндан юборишга чақирди.
Умеров, шунингдек, Россия делегацияси раҳбари Владимир Мединскийга Украина позицияси баён этилган ҳужжатни топширганини маълум қилди.
Кремль миллиардлаб топмоқда, Европа эса миллиардлаб сарфламоқда
Покистон ва Афғонистон ўртасида қуролли можаро бошланди
"Ишонинг, бизда ҳам жавоб тариқасида суратга олишга арзигулик нарсалар бор" - Шойгу
