Украинада "Центэренерго" давлат ширкати томонидан бошқариладиган барча иссиқлик электр станциялари (ИЕС) Россия Федерациясининг тунда содир бўлган оммавий ҳужумидан сўнг ўз фаолиятини тўхтатди ва вақтинча электр энергияси ишлаб чиқармаяпти.
Бу ҳақда "Центэренерго"нинг Facebookдаги расмий саҳифасида маълум қилинган.
"Иссиқлик электр станцияларимизга (ИЕС) уруш бошланганидан бери берилган энг оммавий зарба. Мисли кўрилмаган сондаги ракеталар ва сон-саноқсиз дронлар дақиқасига бир неча марта 2024 йилдаги ҳалокатли ҳужумдан кейин тикланган бир хил ИЕСларга ҳужум қилди", дейилади баёнотда.
Компания ҳужумларни тўхтатишга чақирди, чунки ИЕСлар ҳарбий иншоотлар эмас.
"Заводлар ёнмоқда! Бизнинг ИЕСлар ҳарбий иншоотлар эмас. Биз қурол ишлаб чиқармаймиз! Биз тинч аҳолини иш билан таъминлаймиз. Биз тўхтадик... Ҳозир генерация ноль. Ноль! Биз кечаю кундуз тиклаётган нарсамизни йўқотдик. Тўлиқ!" дея компания маълум қилди.
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
Нью-Йоркнинг янги мусулмон мэри — Мамдани, аслида, ким?
