Россиянинг ўт очишни тўхтатиши Москванинг ён бериши ҳисобланади

Трамп Россиянинг ўт очишни тўхтатиши Москванинг ён бериши ҳисобланишини айтди.

"Россия жангларни тўхтатади ва Украинанинг янги ҳудудларини эгалламайди", — деди АҚШ президенти Air Force One самолётида журналистлар билан мулоқотда.

Доналд Трампнинг бошқа баёнотлари:

◾️ Зеленскийнинг Қўшма Штатларга ташрифи олдидан Вашингтон ва Киев келишувга эришиши керак;

◾️ Украина баъзи ҳудудларидан воз кечиши зарур, акс ҳолда барибир уларни тез орада йўқотади;

◾️ Россия ва Украина ўзаро ҳудудлар алмашинуви масаласини муҳокама қилмоқда;

◾️ Европа Украина хавфсизлигини таъминлаш бўйича кафолатлар беришда иштирок этади;

◾️ Украина бўйича тинчлик келишувига эришиш учун қатъий муддат белгиланмаган;

◾️ Украинадаги низони тартибга солиш бўйича музокараларда олдинга силжиш бор, тинчлик режасининг кўплаб бандлари аллақачон келишилган;

◾️ Махсус вакилим Стив Уиткофф келаси ҳафта Москвада Россия президенти Владимир Путин билан учрашади;

◾️ Стив Уиткофф Москвага, эҳтимол, Жаред Кушнер билан бирга боради. Жаред борадими-йўқми аниқ эмас, лекин у тинчликка эришиш жараёнида иштирок этяпти.