Россиянинг нефт-газ экспортидан оладиган даромадлари 25 фоиздан кўпроққа камайди

Бу ҳақда “ТАСС” Россия Молия вазирлиги статистик маълумотларига таяниб хабар берди.

Қайд этилишича, Россиянинг нефт-газ сотишдан олган даромадлари 2025 йил октябр ойида ўтган йилнинг шу ойига нисбатан 26,6 фоизга камайиб, 888,6 миллиард рублни (10,6 миллиард доллар) ташкил этган.

Умуман олганда, январ–октябр ойларида Россиянинг нефт-газ экспортидан даромадлари 21,4 фоизга камайиб, 7,498 триллион рублни (90 миллиард доллар) ташкил қилган. Ўтган йилнинг шу даврида бу кўрсаткич 9,539 триллион рубл (114 миллиард доллар) бўлган.