Владимир Зеленский Россия вакиллари Қора денгизда жанговар ҳаракатларни тўхтатиш ва энергетика объектларига зарбалар беришни чеклаш бўйича келишувларни "манипуляция қила бошлаганини" таъкидлади.
"Музокараларнинг бугунги кунидаёқ, россияликларнинг манипуляция қила бошлаганини кўриб турибмиз. Улар келишувларни бузишга, ҳам воситачиларимизни, ҳам бутун дунёни чалғитишга ҳаракат қилмоқда", — дея фикр билдирди Украина раҳбари.
Зеленскийнинг сўзларига кўра, Украина АҚШ билан келишиб олган, яъни энергетика объектларига зарбаларни тўхтатиш бўйича сулҳ фақат Оқ уй тегишли баёнот берганидан кейин бошланиши керак эди. Ушбу баёнот 25 март куни эълон қилинди.
Бироқ Вашингтоннинг баёнотида Қўшма Штатлар ҳукумати ҳарбий ҳаракатларда иштирок этаётган томонлар билан энергетика объектларига 30 кун давомида зарбалар беришни тўхтатиш чораларини ишлаб чиқиш бўйича келишиб олгани қайд этилган. Россия эса энергетикага оид сулҳ 18 мартдан бошлаб амал қилишини таъкидламоқда.
Россия аэропортида ўзбекистонликлар қўлга олинди
Сурхондарёда помидорни шпаклёвкага "айлантиришди"
Россия ҳарбийлари Украина Қуролли кучларининг қурол заводи ва аэродромига зарба берди
