Россиялик машҳур блогер Илья Варламовга нисбатан жиноий иш қўзғатилди.
Бу ҳақда Россия Федерацияси Тергов қўмитаси хабар бермоқда.
Блоггерга нисбатан Россия Федерацияси Жиноят кодексининг 330.1-моддаси 2-қисми (Россия Федерациясининг хорижий агентлар тўғрисидаги қонун ҳужжатларида назарда тутилган мажбуриятларни бажаришдан бўйин товлаш) бўйича жиноий иш қўзғатилган.
Варламов 2 йилгача қамоққа олиниши мумкин.
2023 йил март ойи охирида Россия Федерацияси Адлия вазирлиги Варламовни хорижий агентлар реестрига киритди. Бошқармада айтилишича, у давлат органлари томонидан қабул қилинган қарорлар ва улар олиб бораётган сиёсат тўғрисида ёлғон маълумотлар тарқатган ва хорижий манбалардан ёрдам олган.
