Россияга муҳожирлар оқими охирги ўн йилдаги энг паст даражага тушди. Бу 2008 йилги инқироз, Қримнинг аннекция қилиниши ва COVID-19 пандемиясидан кейин миграция пасайишининг тўртинчи тўлқини бўлди.
Росстат маълумотларига кўра, 2023 йил охирига келиб мамлакатга 560 минг киши келган. Бу урушнинг биринчи йилига нисбатан 23 фоизга кам: ўшанда оқим 730 минг кишини ташкил этди.
Россияга учдан бир қисми Тожикистондан, 10 фоизи Қирғизистондан, 9 фоизи Украина, Арманистон ва Қозоғистондан, яна 4 фоизи Ўзбекистондан келган. Беларус, Хитой, Туркманистон, Ҳиндистон ва бошқа мамлакатлардан ҳам мигрантлар келади.
2023 йилда энг кўп муҳожирларни Москва ва Тюмен вилоятлари, шунингдек, Ханти-Манси автоном округи қабул қилган: улар умумий миграция ўсишининг 57 фоизини ташкил қилган. Энг кам мигрантлар Приморе, мигрантларнинг 20 та фаолият соҳаларида ишлаши тақиқланган Томск вилояти ва Украина билан чегарадош вилоятлар томонидан қабул қилинган.