Россиядаги рейдларда ўзбекистонликларнинг ҳуқуқлари муҳокама қилинди

Ўзбекистон ТИВ ўринбосари Олимжон Абдуллаев Россия элчиси билан меҳнат миграцияси жараёнларини такомиллаштириш масалаларини кўриб чиқди.

Суҳбатда Россиядаги рейдлар вақтида ўзбек фуқароларининг ҳуқуқлари бузилмаслиги ва камситилмаслиги зарурлиги таъкидланди.

Томонлар миграция жараёнларини енгиллаштириш, тиббий кўрик ва рус тили имтиҳонларини Ўзбекистонда ўтказиш, шунингдек, Россия мутахассисларини касбий таълим тизимига жалб этиш юзасидан келишиб олди.