Россиянинг Амур вилоятининг Сковородино муниципалитетида микроавтобус ва иккита юк машинаси тўқнашиб кетди, натижада 6 киши ҳалок бўлди, яна бир киши жароҳат олди.
Қайд этилишича, ҳодиса “Лена” трассасининг 8-км.да қайд этилган. “Toyota Lite Ace Noah” ва иккита “Волво” автомобиллари тўқнашиб кетди. Ҳодиса оқибатида “Toyota”нинг 6 нафар йўловчиси ҳалок бўлган, ҳайдовчи жароҳатланган.
Жароҳатланганлар шифохонага етказилган. Воқеа юзасидан жиноий иши очилган.
