Россияда йўловчи қиз ўзбекистонлик таксичини ҳақоратлаб, бошига тепди (ВИДЕО)

Санкт-Петербургда қиз ўзбекистонлик таксичини аввалига камситиб, кейин бошига тепди.

Йўловчи аввалига такси ҳайдовчиси билан узоқ вақт жанжал қилди, камситди ва манзилига етиб келганида унинг бошига икки оёғи билан тепди. "Агар сен такси ҳайдовчиси бўлсанг, меҳрибон бўл, жим ўтир", деди қиз.

Қизнинг ёнидаги йўловчи уни тинчлантиришга уринди, аммо фойдаси бўлмади. Қиз такси ҳайдовчисига машинада у хўжайин эканлигини айтиб, ундан кўп пул топишини таъкидлади.

Манзилга яқинлашганида эса қиз оёқларини ҳайдовчи ўриндиғининг орқа томонига қўйди. Такси ҳайдовчисинининг "оёғини жойига қўйиш" ҳақидаги илтимосларига эътибор бермади. Кейин эса тепди.