Россияда мигрантлар учун патент нархлари оширилади

ASIA-Plus хабар беришича, 2026 йил 1 январдан бошлаб Россиянинг аксарият ҳудудларида чет эллик меҳнат муҳожирлари учун патент нархлари оширилади. Бу ўзгаришлар ҳудудий бюджетлар даромадларини сезиларли ошириш мақсадида қабул қилинмоқда.

🔴 Асосий пунктлар (ҳудудлар ва янги тарифлар):
– Тюмень вилояти: патент 9 385 рублдан 11 471 рублга (тахминан 22%) ошади.
– Камчатка ўлкаси: 9 000 рублдан 13 800 рублгача; минтақавий коэффициент 2,9 → 4,1 гача кўтарилади.
– Иркутск вилояти: ойлик тўлов 11 000 → 12 000 рубл.
– Санкт-Петербург ва Ленинград вилояти: 6 000 → 8 000 рубл атрофида ошириш режалаштирилган.
– Новосибирск: патент 10 860 рубл гача (2025 йилга нисбатан ~11% ёки 954 рубл ошиш); бу ҳудуд бюджетига тахминан 2,5 млрд рубл қўшимча даромад келтириши кутилмоқда.
– Краснодар ўлкаси: нарх тахминан 59% кўтарилиб, 27 000 рубл атрофига етади.
– Свердловск вилояти: 7 500 → 9 500 рубл; бу ўзгариш бюджетга тахминан 4 млрд рубл қўшимча даромад олиб келиши мумкин.
– Приморье ўлкаси: патентни 13 800 рублгача ошириш маъқулланди.

🔴 Патент тизими ва оқибатлари:
– Патент муҳожирларга маълум ҳудуд ва фаолият турида ишлаш ҳуқуқини беради.
– Патент олиш жараёни учун ҳужжат тайёрлаш тахминан 30 минг рублга тушади.
– Ойлик тўловни ўз вақтида амалга оширмаган муҳожирлар Россияда яшаш ва ишлаш ҳуқуқидан маҳрум этилади ва депортация қилиниши мумкин.
– Патент тўловлари ҳудудга қараб босқичма-босқич ва ҳар йили ошириб борилади.