АҚШ президенти Доналд Трамп ва Россия раҳбари Владимир Путин ўртасидаги музокаралар бошланиши фонида Россияда рубль курсининг кескин мустаҳкамланиши туфайли валюта айирбошлаш шохобчалари ёпила бошлади, деб хабар бермоқда Россия оммавий ахборот воситалари.
Валюта операцияларини амалга оширувчи банк ходимлари чет эл валютасини россияликларга "арзон нархда" сотиб юбормаслик ва бозорнинг барқарорлашишини кутиш учун "танаффус" эълон қилинганини айтишди. Ҳозирча фаолият юритаётган кассаларда зарардан қочиш мақсадида валютани сотиб олиш ва сотиш нархлари ўртасида катта фарқ ўрнатилгани ҳақида Шот телеграм-канали мухбирлари хабар берди.
Банклар доллар курсини биржа нархидан паст бўлмаган, яъни 90 рубль даражасида ушлаб туришни истаяпти. Шу сабабли, одамларга долларни ўртача 97 рублдан сотиб олиш таклиф қилинмоқда (сотиш нархи эса деярли 91 рубль атрофида).
Бугун, 13 февраль куни эрталаб рубль курси биржаларда бир неча ойлик юқори кўрсаткичларни қайд этди. Банклараро бозорда доллар курси 90 рублгача тушди. Россия компаниялари акциялари ҳам ўз қийматини оширди.
11 мартдан доллар қанчага етиши аниқ бўлди
Араб давлатлари бирлашди: Европа энди танлов қаршисида!
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
