Польша ташқи ишлар вазири Радослав Сикорскийнинг фикрича, Хитой Украинадаги урушни тугатиш учун Россияга босим ўтказиши мумкин.
"Урушни тугатиб, Путинни ўз ўрнига қўйиши мумкин бўлган давлат - Хитой. Россия Хитойнинг иқтисодий вассали бўлиб қолмоқда. Агар Хитой савдо эмбаргоси билан таҳдид қилса, Россия бунга бўйсунишга мажбур бўларди", - деди Сикорски Tagesspiegel нашрига берган интервюсида.
Шу билан бирга, Польша ТИВ раҳбарининг сўзларига кўра, Владимир Путин “Украинада ғалаба қозониши мумкинлигига ишончи комил”.
Рус ва Украина делегациялари уч йил ичида илк бор учрашган Истанбулда кеча эҳтимолий оташкесим бўйича музокаралар бошланди. Бироқ музокараларда на Владимир Путин, на Владимир Зеленский иштирок этмади.
Бугун Кремл Зеленский ва Путиннинг шахсий учрашуви “агар икки давлат делегациялари томонидан маълум келишувларга эришилса” бўлиши мумкинлигини маълум қилди. Кремл матбуот котиби Дмитрий Песковнинг айтишича, Москва бундай учрашувни мумкин деб ҳисоблайди.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
