Суриянинг Москвадаги элчихонаси «Известия»га маълум қилишича, мамлакатлар ўзаро савдода миллий валюталар – рубль ва Сурия лирасида ҳисоб-китобларга ўтиш масаласини муҳокама қилмоқда.
«Сурия ва Россия Марказий банклари вакиллари ўртасида барча молиявий ва тижорат операцияларида миллий валюталарни қабул қилиш масаласи бўйича учрашувлар ва маслаҳатлашувлар давом этмоқда», — дейилади элчихона хабарида.
Россия барча ҳамкорлари, биринчи навбатда, Осиё давлатлари билан миллий валюталарда тўловларни ўтказишга интилади.
