Москванинг Таганский туман суди россияликлар орасида энг машҳур мессенжер Telegram'ни Урални Россиядан ажратиш ҳақидаги гўёки чақириқлар билан бир қатор каналларни блоклашни истамагани ва Украина Қуролли кучларини қўллаб-қувватлагани учун 4 миллион рубль миқдорида жаримага тортди. Бу ҳақда суд қарорига таяниб, «ТАСС» хабар берди.
«Роскомнадзор ахборот ресурсларига киришни чеклаш чораларини кўриш талабларини амалга ошириш доирасида Telegram ахборот ресурси эгаси – Telegram Messenger Inc ташкилотига мурожаат қилди. – ахборотни тарқатиш тартиби бузилганлиги тўғрисидаги билдиришномалар электрон шаклда юборилди», — дейилади ҳужжатда.
Telegram Россияда аввал ҳам жаримага тортилган: июнда, кейин эса июлда. Ҳар сафар платформанинг гўёки сепаратистик контентни олиб ташлашдан бош тортиши сабаб бўлган.
Қайд этиш жоизки, бир қатор жанубий вилоятларда машҳур мессенжер уч ҳафта давомида ё блокланган ёки секинлашган. Доғистон🏳️ ва Ингушетияда🏳️ фойдаланувчилар Telegram'га кириш учун VPN хизматларидан фойдаланадилар.
Тахминан 11 октябрдан 20 октябргача Шимолий Кавказнинг бошқа ҳудудларида, шунингдек, Краснодар ўлкасининг айрим ҳудудларида ҳам узилишлар кузатилди.
Украина фронтининг «қулаши» эълон қилинди
Эрон армияси муваффақиятга эришганини эълон қилди
Россия Украина ҳудудини «рекорд тезликда» эгаллаб олди
